സാൻ ഫ്രാൻസിസ്കോ ബേ ഏരിയയിൽ ആദ്യത്തെ ഓണപൂവിളികളുണർത്തി വേൾഡ് മലയാളി കൌൺസിൽ കാലിഫോർണിയ പ്രൊവിൻസ് ഓണാഘോഷങ്ങൾക്ക് ഗംഭീര തുടക്കം കുറിച്ചു.

 

പ്രതീക്ഷകൾക്കതീതമായി  ഓണസദ്യക്കായുള്ള രെജിസ്ട്രേഷന് വളരെ നേരത്തെ തന്നെ സോൾഡ് ഔട്ട്  ആയിരുന്നു. ഏകദേശം അറുന്നൂറു പേരോളം പങ്കെടുത്ത വിഭവ സമൃദ്ധമായ ഓണ സദ്യയും തുടർന്ന് നിറപ്പകിട്ടാർന്ന വിവിധ കലാപരിപാടികളും ചേർന്ന് തികച്ചും ഗൃഹാതുരത്വം തുളുമ്പുന്ന ഉത്സവ പ്രതീതി വേൾഡ് മലയാളി കൗൺസിൽ നടത്തിയ ഓണാഘോഷത്തിൽ നിറഞ്ഞു നിന്നു.

 

 ഈ ഓണാഘോഷത്തിൽ വേൾഡ് മലയാളി കൌൺസിൽ അമേരിക്ക റീജിയൻ പ്രസിഡണ്ട്  ജോൺസൺ തലച്ചെല്ലൂർ, സെക്രട്ടറി അനീഷ് ജെയിംസ്, വേൾഡ് മലയാളി കൗൺസിൽ നോർത്ത് ടെക്സസ് പ്രൊവിൻസ് പ്രസിഡണ്ട് ആൻസി തലച്ചെല്ലൂർ എന്നിവർ മുഖ്യാതിഥികളായിരുന്നു.

 

വർണ്ണാഭമായ ആടയാഭരണങ്ങൾ ധരിച്ച് മാവേലി വേഷധാരിയായെത്തിയ ജോർജ്ജ് മാത്യുവിനും തിരുവാതിര നർത്തകിമാർക്കുമൊപ്പം വേൾഡ് മലയാളി കൌൺസിൽ കാലിഫോർണിയ പ്രൊവിൻസ് ചെയർപേഴ്സൺ റീനു ചെറിയാൻ, പ്രസിഡണ്ട് ജേക്കബ് എഫ്രേം, സെക്രട്ടറി ഡോക്ടർ രേവതി, ട്രെഷറർ ജോജോ മാത്യു, വൈസ് പ്രസിഡണ്ട് ജെറിൻ ജെയിംസ്, ജോയിന്റ് ട്രഷറർ അശ്വിൻ, എക്സിക്യൂട്ടീവ് ബോർഡ് അംഗങ്ങളായ പൂജ, അശ്വതി, നിമ്മി ചന്ദ്ര, കിരൺ കരുണാകരൻ, ജോബി, സുനിൽ ചെറിയാൻ എന്നിവരും ഫോമാ നാഷണൽ കമ്മിറ്റി അംഗം സജൻ മൂലപ്ലാക്കൽ, ബേ ഏരിയയിലെ വിവിധ സാമൂഹ്യ സാംസ്‌കാരിക സംഘടനകളുടെ പ്രതിനിധികളായ മധു മുകുന്ദൻ, അനിൽ നായർ, (തപസ്യ ആർട്ട്സ്), ലെബോൺ മാത്യു, ജീൻ ജോർജ്ജ് (ബേ മലയാളി), ഇന്ദു, സുജിത്, സജേഷ്, കാർത്തിക് (എൻ എസ് എസ് ), റെനി പൗലോസ് (മങ്ക യുടെ മുൻ പ്രെസിഡണ്ട്), ജോബി പൗലോസ് (മങ്ക), പ്രശസ്ത എഴുത്തുകാരി ബിന്ദു ടി ജി,  എ.ഐ.എ നേതാക്കളായ വിജയാ അശ്ശൂരി , രമേഷ് കൊണ്ടാ എന്നിവർ ചേർന്ന് ഓണാഘോഷത്തിന് നിലവിളക്ക് തെളിച്ചു.

 

 

WMC California എക്സിക്യൂട്ടീവ് കൗൺസിൽ അംഗമായ പൂജയുടെ നേതൃത്വത്തിൽ വിവിധ വിദ്യാർത്ഥികൾ ഓണാഘോഷ രജിസ്ട്രേഷൻ ഭംഗിയായി നിർവ്വഹിച്ചു. ജിസ് അഗസ്റ്റിൻ, അനിൽ അരഞ്ഞാണി, സിൽവി മാത്യൂസ് തുടങ്ങിയവർ അതിഥികളെ സ്‌നേഹപുരസ്കരം സ്വീകരിക്കുന്നതിൽ നേതൃത്വം നൽകി.

പ്രശസ്ത ഗായികയും  നർത്തകിയും ആയ ദീപ്തി വെങ്കട് പരിപാടിയിൽ ഉടനീളം എംസീയിങ് മനോഹരമാക്കി. പ്രതിഭാധനരായ കലാകാരികൾ ഓണാഘോഷ മത്സരത്തിന്റെ ഭാഗമായി ഒരുക്കിയ അത്തപ്പൂക്കളം മനോഹരവും നയനാനന്ദകരവുമായിരുന്നു. സാംസ്കാരിക തനിമയോടെ അരങ്ങേറിയ തിരുവാതിര അതിമനോഹരവും അസ്വദ്യകരവുമയൊരു അനുഭവമായിരുന്നു.

പ്രമുഖ  ഫാഷൻ ഡിസൈനർ ആയ അമ്പിളി നടത്തിയ മനോഹരമായ ഫാഷൻ ഷോയിൽ ദീപ്തി വെങ്കട്ട്, അക്സാ ജോജോ, ആൻ ട്രീസ ജോജോ, സീയ പിള്ള, ദേവി ഗിരീഷ്, വിവേക് ​​ചെറിയാൻ, ജോസഫ് പുതിയടം, ധന്യ, പല്ലവി, പ്രൊമീല, ഷാൻവിശിവ കുരപതി, കാരുണ്യ ദമർള, അനന്യ വിനു, ജെസ്ന ജോയ്‌ലി, ജെസ്ന ജോയ്‌ലി അമോൽ, ശ്രീലക്ഷ്മി പ്രമോദ്, എവ്‌ലിൻ മെറിൻ തോമസ് തുടങ്ങിയവർ പങ്കെടുത്തു.

കൂടാതെ ബേ ഏരിയയിലെ വിവിധ കലാകാരന്മാർ കാഴ്ചവെച്ച മികവുറ്റ കലാപരിപാടികളും നയന മനോഹരമായ കാഴ്ച ആയിരുന്നു. ധനശ്രീ തില്ലാന നൃത്തം, മയൂരി- ഏകാങ്ക നൃത്തം, അഡ്രീന, ദീപ, സിന്ധു ജേക്കബ്-ഗാനാലാപനം,

 ജെറിൻ -ഗെയിംസ്, സിന്ധു ദാമോദരൻ / റിൻസി സോമൻ നൃത്തം മുതലായ കലാപരിപാടികൾ അവതരിപ്പിച്ചു.

ബേ ഏരിയ യിൽ ഏവർക്കും ഹരമായി മാറിയ കൊച്ചു സംഗീത പ്രതിഭകളുടെ മ്യൂസിക് ബാൻഡ് “ദി ജാമ്സ്“ അവതരിപ്പിച്ച ഗാനമേള കാണികൾക്ക് ഒരു മികച്ച സംഗീതാനുഭവമാണ് സമ്മാനിച്ചത്. മൗഷ്മി, മാനസി, ആദ്വിക്, ജിയ, കാർത്തിക് എന്നിവരാണ് ജാമ്സ് നായി പാടിയ ഗായകർ.

തുടർന്ന് എക്സിക്യൂട്ടീവ് അംഗങ്ങളായ അലീന, പൂജ, രേവതി, അശ്വതി, സിന്ധു സെബാസ്റ്റ്യൻ തുടങ്ങിയവർ ഒരുക്കിയ പലഹാരവും ചായയും സ്വാദിഷ്ടവുമായിരുന്നു. WMCC സെക്രട്ടറി ഡോക്ടർ രേവതി യുടെ  നന്ദി പ്രകാശനത്തോടെ  പരിപാടികൾ സമാപിച്ചു.

 

ബിന്ദു ടിജി, ജോജോ മാത്യു തയ്യാറാക്കിയ റിപ്പോർട്ട്