Europe Latest News

ലണ്ടൻ ∙ പ്രകൃതി ദുരന്തവും ഭീകരാക്രമണവും ശത്രു രാജ്യത്തിന്റെ ആക്രമണവുമൊക്കെ ഉണ്ടാകുമ്പോൾ നൽകുന്ന മുന്നറിയിപ്പിന്റെ ട്രയലായി ഇന്നലെ ബ്രിട്ടനിൽ ദേശീയ അലാം സംവിധാനം പരിശോധിച്ചു. നേരത്തെ മുന്നറിയിപ്പുകൾ നൽകിയ ശേഷമായിരുന്നു അലാം സംവിധാനത്തിന്റെ പരിശോധന. ഉച്ചയ്ക്ക് മൂന്നു മണിക്ക് ടെസ്റ്റ് അലാം മൊബൈൽ ഫോണുകളിലും മറ്റു ഇലക്ട്രോണിക് ഉപകരണങ്ങളിലും നൽകുമെന്ന് സർക്കാർ മധ്യമങ്ങളിലൂടെയും സമൂഹ മാധ്യമങ്ങളിലൂടെയും അറിയിപ്പു നൽകിയിരുന്നു.

മുൻ നിശ്ചയപ്രകാരം ദശലക്ഷക്കണക്കിന് ആളുകളുടെ മൊബൈൽ ഫോണിലും പിഡിഎ പോലുള്ള ഇലക്ട്രോണിക് ഉപകരണങ്ങളിലും അലർട്ട് മെസേജ് കൃത്യ സമയത്തുതന്നെ എത്തി. ചില മൊമൈൽ ഫോണുകളിൽ സൈറൺ മുഴങ്ങുന്ന ശബ്ദത്തോടെയായിരുന്നു സന്ദേശം എത്തിയത്.

ലണ്ടൻ ∙ ആഭ്യന്തര യുദ്ധം അതിരൂക്ഷമായ സുഡാനിൽ കുടുങ്ങിയത് നാലായിരത്തിലേറെ ബ്രിട്ടിഷുകാർ. ഇവരെ അപകടം കൂടാതെ നാട്ടിലെത്തിക്കാനുള്ള അടിയന്തര രക്ഷാപ്രവർത്തനത്തിന് സർക്കാർ നടപടി ആരംഭിച്ചു. കര, വ്യോമ, നാവിക സേനാംഗങ്ങളുടെ സഹകരണത്തോടെയാണ് അടിയന്തര രക്ഷാദൗത്യം.

രക്ഷാദൗത്യം ഏതുവിധേനയാകണം എന്നു തീരുമാനിക്കാൻ സൈന്യത്തിന്റെ ചെറു സംഘം സുഡാനിൽ എത്തിക്കഴിഞ്ഞു. ബ്രിട്ടിഷ് പൗരന്മാരെ അപകടം കൂടാതെ തിരിച്ചെത്തിക്കാനുള്ള എല്ലാ സാധ്യതകളും ആരായുമെന്ന് മന്ത്രി ആൻഡ്രൂ മിച്ചെൽ വ്യക്തമാക്കി. സുരക്ഷിതമായ ഇവാക്വേഷൻ റൂട്ടുകൾ കണ്ടെത്താൻ ഇന്റലിജൻസ് സംവിധാനത്തിന്റെ സഹകരണത്തോടെയാണ് സൈന്യത്തിന്റെ നീക്കങ്ങൾ.