ആപ്പിൾ ഐഫോൺ 15 പ്രോ (iPhone 15 Pro), ഐഫോൺ 15 പ്രോ മാക്സ് എന്നീ മോഡലുകളിൽ ഫിസിക്കൽ ബട്ടണില്ലാത്ത ഡിസൈനായിരിക്കും ഉണ്ടായിരിക്കുക എന്നായിരുന്നു ഇതുവരെ പുറത്ത് വന്ന റിപ്പോർട്ടുകളിൽ പറഞ്ഞിരുന്നത്. എന്നാൽ സോളിഡ് സ്റ്റേറ്റ് ഹാപ്‌റ്റിക് ബട്ടണുകൾക്ക് പകരം നോ ബട്ടൺ ഡിസൈൻ ഉള്ള ഐഫോൺ മോഡലുകൾ ഈ വർഷം ഉണ്ടാകില്ലെന്ന് പുതിയ റിപ്പോർട്ടുകൾ സൂചിപ്പിക്കുന്നു. ഇത്തരമൊരു പദ്ധതി ആപ്പിളിന് ഉണ്ടായിരുന്നു എന്നും എന്നാൽ പിന്നീട് ബട്ടണില്ലാത്ത ഡിസൈനിൽ നിന്നും ആപ്പിൾ പിന്തിരിഞ്ഞുവെന്നും പുതിയ റിപ്പോർട്ടിൽ പറയുന്നു.
ആപ്പിൾ ഐഫോൺ 14 പ്ലസ് (iPhone 14 Plus) സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് മികച്ച അവസരമാണ് ഇപ്പോൾ ഫ്ലിപ്പ്കാർട്ട് നൽകുന്നത്. വെറും 16000 രൂപ വരെ കിഴിവിൽ നിങ്ങൾക്കിപ്പോൾ ഐഫോൺ 14 പ്ലസ് സ്വന്തമാക്കാം. ഐഫോൺ 14 സീരീസിൽ വലിയ ഡിസ്പ്ലെയുമായി വരുന്ന വില കുറഞ്ഞ ഫോണാണ് ഇത്. ഐഫോൺ 14യിൽ ഉള്ളതിനെക്കാൾ വലിയ ഡിസ്പ്ലെയാണ് പ്ലസ് മോഡലിൽ ഉള്ളത്. എന്നാൽ ഐഫോൺ 14 പ്ലസിന് പ്രോ വേരിയന്റുകളെക്കാൾ വില വളരെ കുറവുമാണ്.
