ഓഫീസിലുള്ളവര്‍ പെട്ടെന്ന് കൂട്ടുകാരാകുന്നത് എന്തുകൊണ്ടാണെന്ന് നിങ്ങള്‍ ആലോചിച്ചുണ്ടോ? ഉത്തരം സിംപിളാണ്. നമ്മള്‍ ഒരു ദിവസം ഏറ്റവും കൂടുതല്‍ സമയം ചെലവഴിക്കുന്നത് അവരുടെ കൂടെയാണ്. തീര്‍ച്ചയായും ഇത് നല്ല സൗഹൃദത്തിലേക്കാണ് നിങ്ങളെ നയിക്കുക. അടുത്ത കൂട്ടുകാരുടെ എണ്ണം എടുത്തു നോക്കിയാല്‍ അതില്‍ തീര്‍ച്ചയായും നമ്മുടെ ഓഫീസിലെ ചിലര്‍ ഉണ്ടാകുമെന്ന കാര്യത്തില്‍ സംശയമില്ലാത്തതും അതുകൊണ്ട് തന്നെയാണ്.

നമ്മുടെ കൂട്ടുകാരേക്കാളും സമീപവാസികളെക്കാളും എന്തിനേറെ ജീവിതപങ്കാളിയേക്കാളും ഏറെ സമയം ചെലവഴിക്കുന്നത് ഓഫിസിലുള്ളവരുടെ കൂടെയാണ്. ഉണര്‍ന്നിരിക്കുന്ന 8-10 മണിക്കൂറുകള്‍ നമ്മള്‍ ഓഫീസിനുള്ളിലാണ്. ഒരാളുമായി നല്ല ആത്മബന്ധത്തിലാകാന്‍ എത്ര സമയം വേണ്ടി വരുമെന്ന് ആലോചിച്ചിട്ടുണ്ടോ? വെറും 200 മണിക്കൂറുകളുടെ സാമിപ്യം മതി നല്ലൊരു ഫ്രണ്ടിനെ തിരിച്ചറിയാന്‍ എന്ന് ശാസ്ത്രീയമായി തെളിയിക്കപ്പെട്ടതാണ്. അതുകൊണ്ട് കൂടെ ജോലി ചെയ്യുന്നവരില്‍ ചിലരെല്ലാം നമ്മുടെ ‘ചങ്കായി’ മാറുമെന്ന കാര്യം തീര്‍ച്ചയാണ്.