പെർത്ത് ∙ സേവനം ഓസ്‌ട്രേലിയ വിഷു ആഘോഷവും കുട്ടികൾക്കായുള്ള അവധിക്കാല വർക്ക്ഷോപ്പും സംഘടിപ്പിച്ചു. മൂന്നു വിഭാഗങ്ങളിൽ സ്പെല്ലിംഗ് ബീ മൽസരം, വിഷുക്കണി ദർശനം, വിഷു കൈനീട്ടം വിതരണം, വിഷു സദ്യ എന്നിവ നടന്നു. പരിപാടിക്ക് സേവനം ഓസ്‌ട്രേലിയ സെക്രട്ടറി സുമോദ് കുമാർ സ്വാഗതം പറഞ്ഞു.

ഉച്ചയ്ക്ക് ശേഷം നടന്ന കുട്ടികളുടെ വർക്ക്ഷോപ്പ് അർമഡയിൽ സിറ്റി കൗൺസിൽ കൗൺസിലർ പീറ്റർ ഷാനവാസ് ഉദ്ഘാടനം ചെയ്തു. വിജയികൾക്കുള്ള സർട്ടിഫിക്കറ്റുകളും വിതരണം ചെയ്തു. മൾട്ടികൾച്ചറൽ സർവ്വീസ് സെൻറ്റർ ഡബ്ല്യൂഎ ജോബ്സ് ആൻഡ് സ്കിൽസ് സെന്റർ ടീം ലീഡർ പിർസിസ് ഷറോഫ് കരിയർ ഗൈഡൻസും കൃഷ്ണ അനീഷ് കുട്ടികൾക്കുള്ള സൈബർ സെക്യൂരിറ്റി ബോധവൽക്കരണ ക്ലാസ്സും എടുത്തു.